Emilý Klemensdóttir
Ég frétti að Fistækniskóli Íslands hefði fjölbreytt nám sem gæti nýst mér til stúdentsprófs í mínum skóla. Ég hefði byrjað í fjögurra ára kerfinu en skipti þá um skóla og fór þá í nýja kerfið eða svo kallaða þriggja ára kerfi. Með því vantaði mér áfanga upp í þar sem ég hefði ekki verið í því sama og hinir sem voru í þriggja ára kerfinu. Ég vissi lítið um skólann en ákvað ég að slá til og prufa eitthvað nýtt. Ég vissi að ég myndi ekki tapa á því að prufa.
Ég valdi þetta nám því mig langaði að flýta fyrir mér og ná að klára stúdentinn á þremur árum. Með því að skrá mig í námið fékk ég feiningar sem fylltu upp í það sem mig vantaði til þess að útskrifast fyrr. Einnig hentaði þetta nám mér mjög vel þar sem var tekið mjög mikið tillit til þess að ég væri í fullu námi annarsstaðar.
Það sem kom mér mest á óvart var hversu vel það var hugsað um okkur og aðstoðað í náminu. Alltaf þegar mig vantaði hjálp var ekkert mál að fá þá aðstoð sem mig vantaði. Einnig bjóst ég ekki við því að ég yrði svona mikill partur af heila skólastarfinu þrátt fyrir að ég væri aðeins skráð í einn áfanga.
Það sem mér fannst standa uppúr á þeirri önn sem ég var í skólanum var Danmerkurferðin. Það var ótrúlega gaman að fara út og læra eitthvað allt annað en ég er vön að gera dags daglega.
Mikið úrval er á áföngum og er hægt að taka aðeins nokkra eða alla ef manni langar, það sem hentaði mér var að þetta var púslað eftir mínum þörfum. Áfanginn sem allir aðrir voru að taka hentaði mér ekki og var ég þá sett yfir í annan sem hentaði mér mun betur.
Við fórum í námsferð til Danmerkur. Ferðin í heildina var var ótrúlega skemmtileg. Það var gert svo mikið öðruvísi í ferðinni og var gaman að sjá hvernig markaðurinn er í Danmörku. Við ferðuðumst víðsvegar um landið á nokkrum dögum og var enginn dagur eins. Ferðin var algjört ævintýri og lærdómsrík og verður mér minnisstæð.
Með því að skrá mig í þennan skóla náði ég að fylla upp í þær feiningar sem mig vantaði til þess að útskrifast. Ef ég hefði ekki tekið þá ákvörðun að skrá mig í skólann hefði ég útskrifast á þremur og hálfu ári en næ í staðinn að útskrifast á þremur árum.