Fisktækniskóli Íslands hefur hlotið gæðavottun skv. EQM (European Quality Mark) gæðastaðlinum, gæðavottun fyrir fræðsluaðila í fullorðinsfræðslu.
EQM byggist á sjálfsmati fræðsluaðila sem er yfirfarið af matsaðila sem kemur einnig með ábendingar um gæðamál og umbætur á meðan úttektarferlinu stendur.

EQM vottun metur:

• Gæði þjónustu sem fræðsluaðili veitir

• Gæðakerfi fræðsluaðila, innri gæðastjórnun og verkferla

• Hvort gæðakerfi uppfyllir kröfur um viðurkennd gæðaviðmið sem EQM staðallinn felur í sér

Með innleiðingu EQM gæðakerfisins hefur Fisktækniskóli Íslands markað sér stefnu varðandi gæði þeirrar þjónustu sem skólinn veitir. Gæðahandbók skólans er ætlað að endurspegla starfsemina og sýna fram á virkni gæðaferla. Gæðahandbókinni er einnig ætlað að vera grunnur að sjálfsmati/innri úttektum sem verða framkvæmdar árlega og munu fara fram í lok vorannar ár hvert, þá skilu gæðamarkmið rýnd og metið hvort gera þarf breytingar í starfsemi til að uppfylla markmið. Úrbótum skal hrint í framkvæmd eða þær settar í skipulagðan farveg eigi síðar en 1. júní ár hvert. Á sama tíma er gæðahandbók FTÍ uppfærð.

Innleiðing gæðakerfisins er hornsteinn þess að tryggja að þjónusta verði stöðug og að hún muni standast væntingar hagsmunaaðila og skjólstæðinga Fisktækniskóla Íslands.

Ábyrgðaraðili gæðakerfis er skólameistari.

Lög um framhaldsfræðslu 27/2010 kveða á um lögbundið árangursmat á gæðum fræðslustarfsins, sbr. 14. gr. laganna.